|
|
|
|
04-28-2008, 12:08 PM
|
#1 |
|
.:: عضو ::.
|
حر ديرتي ولا جنة الغربة
[size=5]بصراحة ياجماعة الربع بقول قصتي يوم سافرت لجمهورية مصر العربية الاسبوع الماضي ( قصدي شريف دورة تدريبية )وكنت اسمع بأن مصر ام الدنيا واللي ما سافر مصر عمرة ما سافر ومن هذا القبيل الزبدة اخوكم في الله راح لسوق الثميري وطق انواع الجنز والقمصان الملونة <<< تحول 180 درجة لا ويوم جربهن في البيت طلع كنة بنقالي المهم وعند هبوط الطائرة من البداية أنواع الاستغلال بداية باسعار الريال اللي دحدرت فجأة واسعار مندوبي الفنادق المهم ركبت تاكسي مصري واثناء الطريق اذني انفجرت من بربرتة ودي معي ريموت عشان اكتم الصوت حقة هههه وبعدين وصلت الفندق وسكنت وعجزت انام من اصواات البواري ومن بكرة وانا رايح للمعهد قلت اكيد بشوف المناظر الخلابة وسعة الصدر تصدقون عاد حسيت اني بالبطحاء مو بمصر زحمة يادنيا زحمة وبواري وطرق خايسة وسيارات قديمة جدا مدري وشلون تمشي وتمنيتكم تشوفون الحريم وقيادة السيارات انواع الدلاخة واحياناً تحصل الحرمة تسوق وزوجها راكب بجنبها تودية العمل لانها عربيتها وهي حرة تخيلوا ان زوجاتنا يودوننا للعمل ولو تشوفون كيف يعلقون هدومهم بالدرايش انواع الفضايح زهقت وقلت بروح اشوف الاهرامات يمكن يكون الوضع تمام رحت وياليتني مارحت لازم تركب حنتور ( عربية يجرها حصان جربان ) عشان يلف فيك الاهرامات ركبنا وانواع الخض مرة فوق مرة تحت يمين وشمال انواع الرجة يعني لو أني متغدي وقتها كان هضمت بالراحة وشفت الاهرامات اخيرا جبل مثلث الشكل مبني بطوب كبير جدا هههههه لو تشوف جبال اجى وسلمى افضل مية مرة وبعدين ابو الهول جدار منحوت بة خشة واحد على شكل حصان وش الجديد لا جديد والمصارية انواع النصب على السياح الاجانب بالذات يبيعونهم دمية على شكل بعير واهرامات تصدقون بكم بمية دولار والمهبل انواع الدفع بعض المضايقات التي تعرضت لها : 1- انواع الطرارة فلاتكاد تمشي خطوة الا ويجيك الف شحاذ . ما هو الحل انواع الاحراجات 2-انتبة تلبس جزمة في ذاك وعليك بلبس زنوبة ههههه بتقولي ليش لانك اذا لبست جزمة ستكون عرضة للتوقف كثيرا من ماسحي وملمعي الجزم اللذين بمجرد مشاهدتهم لجزمتك سينبطحون على قدميك ويلمعوها رغماً عن انفك وادفع بعد ذلك ياباشا 3- لا تأكل من اي مطعم غير معروف ولو تصوم احسن هههههه 4- اثناء العودة للرياض الحبيبة وفي المطار المصري شفت جميع السعوديات او الغالبية العظمى مكشفات وعند الوصول للرياض تبدل الحال فاكتسى الجميع بالسواد الدامس المصاريا يشوفونهم وحنا لا هههه والحين لو تعطوني مليون وتقولون رح مصر مرة ثانية سأرفض وبشدة وياحليل ديرتي بس واشكروا الله على النعمة اللي حنا فيها ونعمة الأمن والأمان وتقبلوا تحياتي |
|
|
04-28-2008, 12:30 PM
|
#2 |
|
عضـو مبـدع
|
الحمد لله على السلامه وانا اشوف الغيبه ياراعي المشاغل
هذا االبحث طلع لمصر ههههه بس بجد انا بعلق على نقطتين وابيك تعلمني 2-انتبة تلبس جزمة في ذاك وعليك بلبس زنوبة ههههه بتقولي ليش لانك اذا لبست جزمة ستكون عرضة للتوقف كثيرا من ماسحي وملمعي الجزم اللذين بمجرد مشاهدتهم لجزمتك سينبطحون على قدميك ويلمعوها رغماً عن انفك وادفع بعد ذلك ياباشا هاذي اول مره اسمعها نصدق بس بجد فيه كذا وربي لو يجيني لآرفسه برجلي ههههه والشي الثاني اللي اسمعه كثير وهي مشكله لازم نطرحها في قسم الحوار مشكله السعوديات اللي يكشفن في خارج البلاد وعندنا يتغطن هل هذا عدم الخوف من الله ام ماذا بجد يالابرش ياليت توضح لنا هل معلومه في قسم الحوار ونطرح المشكله ونتناقش فيها ومشكور وربي عيفتني في مصر قبل كنت ناوي لهاا بس من بعد السعوديه وبـــس وماقصرت على كتابته هذا المووضوع |
|
|
|
04-28-2008, 12:34 PM
|
#3 |
|
عضو مميز
|
وااو اسم الموضوع قووي مره
الحمد لله على السلامه بس وش الدوره ياراعي المشاغل ههههه على قول اصيل بس جد لهدرجه ياخوك مصر تصدق ماتوقعتها كذا اذا كذا وين ام الدنيا وربي توصيفك فطسني ضحك الله يوسع صدرك بس السعوديات بحد مثل ما قالو طاش ماطاش لازم نطرح الموضوع ونتناقش فيه فكرتك حلوه اصيل والحين لو تعطوني مليون وتقولون رح مصر مرة ثانية سأرفض وبشدة وياحليل ديرتي بس < علينا وربي تروح على رجلينك بعد هه يعطيك العافيه على الموضوع المسلي الجدي اختك كرزه |
|
|
|
04-28-2008, 12:58 PM
|
#4 |
|
.:: عضو ::.
|
اصيل كرزة مشكورين على المرور
بعدين معك يااصيل ماسك علي المشاغل هاة وبعدين مبروووووووك فوز الليث والمستويات الحلوة اللي قاعد يقدمها هاليومين ويارب بطولة وبالنسبة لتلميع الجزم والله الموضوع من جد يطفش وتوهم طايحين في هالطريقة للشحاذة بطريقة مبتكرة يعني تخيل وانت تمشي ما تدري الا طاب علي رجليك واحد وقاعد يلمع وانت متفاجي فية اصلا وما يمديك تقول لا تمسح الا وقد بدأ بالجزمة الثانية يعني غصب عنك تدفع لانة قد احرجك وبالنسبة لموضوع دشرة السعوديات في ذاك هذا موضوع ثاني تصدقون شفت سعوديات بدون محرم اكثر من مرة في السينما وفي الاسواق وانوع الهسترة في الحكي والجينز وحدث ولا حرج واقول لكرزة انصحك لا تروحين مصر ولو تبين تشوفين مصر روحي للبطحاء يوم الجمعة العصر بس ينقصها كم وحدة مصرية كرشها مايلة وسيارات قديمة جدا جدا جدا وتصيرين كنك سافرتي مصر ههههههههههه |
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| انواع عرض الموضوع | |
|
|
العرض العادي
